Heb 13 | TPZ | STEP | Eöm se iu nem a ma meh upöm teß vamanih pa ma kea peöm.

aLo 31:6

bSng 118:6

Hebrews 13

E Sosoenën E Tamaara

1 Eöm se iu nem a ma meh upöm teß vamanih pa ma kea peöm. 2 A ma paeh sipuura to vaoe voh ne a ma teß va pa ma meh muhin pa ma iuun pee, ko hikta nat va i ne raoe manih pan, eße o ankeroß. Ivëh, köm se vaoe nem a ma teß va pa ma meh muhin manih pa ma koman iuun peöm. 3 Eöm se nat nem o teß varih to teß ne pa iuun nohnoh, vamanih peöm to teß vaßpeh me e nem pee. Eöm se nat nem o teß varih no o vakihat pee to nok vahat voh raoe, vamanih peöm to kamis vaßpeh me e nem pee.

4 O vaen peöm se teß totoopin non, ke voe me köövo se matop vavih ne o vaen pee pon. E Sosoenën se kiiki a ma taateß hat po teß varih to teß ne pa taateß rëhrëh. 5 Eöm se koe a iu vörep a moniß, paröm teß vaeö me nem a ma tah nöm to öt nem. Suk e Sosoenën to soe pan,

“Eöß hikta se këh rakah noß oah, ko anoe a oah.” ^a
6 Ea to onöt e no pa vaman a soe to teß non koman o Puk Vapenpen to soe non pan,

“E Sunön to vaßaus a non neoß,

ivëh, köß hikta se naöp noß ta tah no a teß se nok manih peöß.” ^b
7 Eöm se nat nem a ö no a ma teß to vovoh voh ka no neöm, to vavaasis voh ne a soe pe Sosoenën, paröm koman nem a ö nee to teß vavih vavoh nee. Ko suk a ö nee to vaman vavoh ne. 8 E Ieesuß Kristo to vatoe e non nopoen, kuru, me eß se teß tamoaan e non.

9 Eöm se nat nem pënton a ma meh vavaasis to teß ke ne. Eß to vih rakah pa ma komaara se kon taneß varoe o kikis manih po ururuan pe Sosoenën. A ma komaara hikta se vatet non a taateß va pa ëën a taëën supon, suk a taateß pamëh tomaß rëh ke këh a ra o vaman, ka hikta onöt no a kon vaßaus nën. 10 A napan varih o teß ësës heß po Jiuß to vavatet avoeß e ne po vatompoan vamoaan, marën a vasunön e Sosoenën, to hikta onöt ne a kon o vaßaus ne Ieesuß to heß a ra pa mët peß. ^{▼▼[... to hikta onöt ne a kon o vaßaus ne Ieesuß to heß a ra pa mët peß.] A napan to iu vatet varoe ne o vatompoan vamoaan pa tavus o teß totoopin pa matan e Sosoenën, ee me to hikta onöt ne a kon o vaßaus manih pe Kristo. Suk ee to koe ee po heß vëh, pa ö ne Kristo to mët pa kon hah këh raoe a hat pee.}

11 A teß Susun po Teß Ësës Heß to teßteß ho voh non o eraß va pa vönaß manuh pa ö vasioß to vëknöm ro non a ma hat pa napan to se hik. Ivëhkëk, a sionin o vönaß nee to ësës voh ne manuh sinten a vöön. 12 Keß teß akuk va kov e non pa ö ne Ieesuß to mët voh en maß sinten a vöön, pa vahik a ma hat pa napan po eraß peß. ^{▼▼[... pa vahik a ma hat pa napan po eraß peß.] O eraß po vönaß, eß o vëknöm varoe va pa ö no a ma taateß hat se hik. Ivëhkëk, o eraß vëh pe Kristo to teß oah voh e non po vëknöm, o eraß peß to vahik rakah voh en pa ma hat pa napan.} 13 Ivëh, ka se nö ee po vakum pe Ieesuß, ko teß vaßpeh me no raoe, ko poet vaßpeh me eah pa ö neß to mët vavoh. ^{▼▼Po poen ne Ieesuß to mët sinten a vöön Jerusalëm, a ma napan to vöknah a ëhnaneah, suk ee to koman ne pan, a teß no a nap vëvënsun to ip vamët sinten a vöön, to nok a taateß hat. Ivëh, ka se poet vaßpeh me e Ieesuß, suk ea to kon vaßaus pa mët peß.} 14 Ee se koe a vatet o vatompoan vamoaan ko vaman varoe no e Ieesuß, suk ataeah, manih po oeh eß hikta teß non pan, eß a ö teßteß tamoaan pea. Ivëh, ka se ep amot a vöön teßteß tamoaan vöh a vöön va kin.

15 Ivëh, ka se heß vaeö koe no na e Sosoenën manih pe Ieesuß pa ma vaëhëh, na to vaëhëh no na manuh pe Sosoenën. 16 Ea se koe a anoe a nok a taateß vih, me a taateß ururuan, me a taateß vavaßaus a ma meh teß pea, suk a ma taateß vaßaus, me a ma taateß vih poë varih to heß vaeö ne e Sosoenën.

17 Eöm se vatet nem a ma teß to susun ka no neöm, paröm tënan nem raoe. Suk ee to matop a no neöm, ko toßtoß peöm teß totoopin non. Amot ee se heß e Sosoenën o vahutët va pa ma vaßaus nee to nok, köm se keh tënan nem raoe, ee se teß me ne o vaeö, pare nok vavih a kiu pee. Ee tomeß nonok me ne o tamak ko hikta se vaßaus a no neöm.

18 Eöm se hinhin vatëh ka no möm o teß susun peöm, suk a ma kupu pemöm to haraß vavih e ne ko teß maaka e ne, kemöm iu nok tamoaan e nem pa taateß totoopin. 19 Eöß to hinhin vakis a noß neöm kurus se hinhin nem e Sosoenën, keß se vanö vëhöß hah maß neoß manem peöm.

O Hin Va Pa Vih

20 E Sosoenën to vatoß hah e Ieesuß, ka manih po eraß peß, eß to nok o vatompoan voon teßteß tamoaan topniira, me e Sosoenën. Ivëh, keß teß non a teß Sunön to matop a rora vamanih pa teß mamatop sipsip. 21 Ivëh, köß hinhin suk a noß neöm pan, e Sosoenën a kamöß se heß a neöm a ma tah vihvih nöm to iu nem, marën ö nöm se vatet o iu peß. Ka manih pe Sosoenën, ea se heß vaeö koe no eah manih pe Ieesuß Kristo. Ke Kristo, na se kë no a ëhnaneah pa ma tamoaan. Oman!

22 Ivëh, kën kea, eöß to hi vakis a neöm pa tënan, ko teß me nem o kokoman tö, suk a soe vëh nöß to kiun nös se vaeh o vaman peöm, eß hikta teß rë non. 23 Eöß to iu noß neöm se nat nem pan, e kea pea Timotiß to tavus këh en pa iuun nohnoh. E Timotiß se keh nö vëvëhöß en maß, kemöm poß nö em nös pa ep a neöm.

24 Eöm se heß a soe vavihvih pemöm manih po teß to susun ka ne neöm, me manih pa ma napan pe Sosoenën. A ma kën kea varih pa muhin va Italiß to vanö nös a soe vavihvih pee manih peöm.

25 Eöß to hinhin suk a noß neöm pan, o ururuan pe Sosoenën se teß vaßpeh me a non neöm kurus.